Murad Dadaşov Ginnesin Rekordlar kitabına düşən azərbaycanlı ilə – VİDEO
Əməkdar artist, məşhur aparıcı və şoumen Murad Dadaşov hazırda Dubaydadır.
AzNews.info Baku.ws-ə istinadla xəbər verir ki, M.Dadaşov orada həmyerlimiz, Ginnesin Rekordlar kitabına düşən dünya şöhrətli Üzeyir Novruzovla da görüşüb.
Şoumenin “Instagram” bloqunda yerləşdirdiyi videosunda Üzeyir Novruzov azərbaycanlılara salam və sevgisini göndərib.
Xatırladaq ki, azərbaycanlı sirk ustası Üzeyir Novruzov hazırda ABŞ-ın Las-Veqas şəhərində yaşayır və 2015-ci ildə qatıldığı “America's Got Talent” yarışmasında nərdivanla sərgilədiyi çıxışı ilə məşhurluq əldə edib. O, 6 metrlik nərdivanda 7 dəqiqə 50 saniyə qalmaqla Ginnesin Rekordlar kitabına düşüb.
Rekordun yenilənməsinin təsdiqlənməsi mərasimi Çinin paytaxtı Pekində keçirilib.
M.Dadaşovun paylaşdığı videonu oxuculara təqdim edirik:
Mənbə: Baku.ws
