Heydər Əliyev Sarayında dahi Azərbaycan şairi Məhəmməd Füzulinin qəzəllərindən ibarət muğam gecəsi keçirilib

AzNews.info xəbər verir ki, Noyabrın 16-da Heydər Əliyev Sarayında dahi Azərbaycan şairi Məhəmməd Füzulinin qəzəllərindən ibarət muğam gecəsi keçirilib. "Məhəmməd Füzulinin qəzəl dünyası" adlanan konsert proqramında xalq artistləri Əminə Yusifqızı, Mənsum İbrahimov, Gülyaz Məmmədova, əməkdar incəsənət xadimi Hacı Aqil Məlikov, əməkdar artistlər Nuriyyə Hüseynova, Elnarə Abdullayeva, Sevinc Sarıyeva, Səbuhi İbayev, Almaz Orucova, Babək Niftəliyev, Bəyimxanım Mirzəyeva, Firuz Səxavət, gənc müğənnilər Abgül Mirzəliyev, Sərxan Bünyadzadə, Hüseyn Məlikov, Məmməd Nəcəfov çıxış ediblər. Əməkdar artist Sabir Məmmədovun aparıcılıq etdiyi gecənin rejissorluğunu, Heydər Əliyev Sarayınınn baş rejissoru Gülçöhrə Şəfiyeva edib. Bir-birindən maraqlı çıxışlar və muğam nömrələri tamaşaçılar tərəfindən alqışlarla qarşılanıb.