Azərbaycanda evlənənlərin neçəsində xəstəlik tapılıb?

Ölkədə nikaha daxil olmaq istəyənlərin icbari tibbi müayinəsi tətbiq olunduğu andan bu ilin oktyabr ayının sonuna qədər 207731 nəfər müayinədən keçib.

Səhiyyə Nazirliyinin mətbuat xidmətindən Oxu.Az-a verilən xəbərə görə, oktyabr ayında müayinədən keçən şəxslərdən 421 nəfərdə talassemiya daşıyıcılığı, 47 nəfərdə sifilis, 6 nəfərdə isə QİÇS aşkar olunub.

Qeyd edək ki, bu müayinələr “Ailə Məcəlləsi”nə edilən dəyişikliklərdən sonra başlanıb. Tibbi müayinənin keçirilməsi və məsləhətlərin verilməsi pulsuzdur.