Deputatlara xidməti avtomobillə paytaxtdan kənara çıxmaq qadağan olundu

Rusiyada Dövlət Dumasının üzvlərinə xidməti avtomobillə Moskvadan 50 km-dən çox uzaqlaşmaq qadağan edilib.

Virtualaz.org “Komsomolskaya pravda”ya istinadən xəbər verir ki, qanunverici orqanın üzvlərinə bu xəbərdarlıq şifahi şəkildə olunub, başqa sözlə, belə bir yazılı sərəncam yoxdur.

Dövlət Dumasının İqtisadi siyasət və sahibkarlıq komitəsinin sədri Yevgeni Frolov deyib ki, bu göstəriş qənaət və deputatlar arasında intizamın möhkəmləndirilməsi məqsədi güdür.