“Qızıl kitab”a düşən 10 yaşlı Fidan Hüseynovanın ilk klipinin təqdimatı olub – VİDEO

Prezident İlham Əliyevin sərəncamı ilə musiqi sahəsində xüsusi istedadı olan şəxs kimi adı Azərbaycan istedadlarının “Qızıl kitabı”na daxil edilən 10 yaşlı Fidan Hüseynovanın ilk klipinin təqdimatı baş tutub.

Oxu.Az xəbər verir ki, ekran işi F.Hüseynovanın Xalq artisti, dirijor Teymur Göyçəyevin rəhbərliyi altında Uşaq Simfonik Orkestri solistlərinin müşayiəti ilə ifa etdiyi “Tell me why” adlı mahnıya çəkilib.

Klipin rejissoru Ülviyyə Könül, operatoru Elmir Süleymanov, montaj edəni Ramiz Hüseynovdur.

Fidan Hüseynova həmçinin dekabrın 17-də Heydər Əliyev Sarayında keçiriləcək “Zima” uşaq estrada mahnılarının musiqi festivalında iştirak edəcək.