Bərdədə kişi faciəvi şəkildə öldü – FOTO

Ağdam rayonundan məcburi köçkün düşmüş və Bərdə rayonunda məskunlaşmış Ceyhun Məmmədov bədbəxt hadisə nəticəsində dünyasını dəyişib.

Oxu.Az xəbər verir ki, bu barədə “Report”a mərhumun yaxınları məlumat verib.

Məlumata görə, ötən gün axşam saatlarında mal-qara tövləsində elektrik naqillərinin montajını həyata keçirərkən 1976-cı il təvəllüdlü C.Məmmədovu elektrik cərəyanı vurub. O, hadisə yerində dünyasını dəyişib.

Qeyd edək ki, mərhum evli olub və üç körpə uşağı var. Mərhumun anası Ətrabə Məmmədova Beynəlxalq Qızıl Xaç Komitəsində Qaçqın və məcburi köçkünlərin, həmçinin itkin düşmüş şəxslərin ailələrinə psixoloji yardım üzrə ekspertdir.