“Retro Bakı”dan bayram konserti

Bakı Şəhər Mədəniyyət və Turizm Baş İdarəsinin “Retro Bakı” layihəsi Qurban bayramı ərəfəsində zəngin konsert proqramı ilə Bakı sakinlərinin və qonaqlarının görüşünə gəlib.

AzNews.info xəbər verir ki, Mədəni tədbirlərin təşkili və yaradıcı gənclərlə iş üzrə mərkəzin təşkilatçılığı ilə keçirilən konsertlərdə bu həftə tanınmış müğənnilər Zaur Əmiraslanov, Samirə Allahverdiyeva, Nurlan Əzizbəyli, Kubra Hüseynova, Firuzə Quliyeva, Mirsərhəd Həbibi, Eminağa Sadıqov, Nizami Nikbin, Nigar Süleymanova, Mircabbar Cabbarov, “Azad” və "Səma" rəqs qrupları rəngarəng çıxışları ilə hərkəsə əsl bayram əhval-ruhiyyəsi bəxş ediblər.

Həmçinin, bu həftə layihədə “Avto Retro” Klub retro maşınların və Azərbaycan milli mətbəxində istifadə olunan əşyaların sərgisini təqdim edib.

Qeyd edək ki, layihə tədbirləri hər həftə sonu - şənbə və bazar günləri axşam saatlarında Fəvvarələr Meydanında müxtəlif konsert proqramları ilə oktyabrın ortalarınadək davam edəcək.