"Retro Bakı" layihəsinin növbəti konsertləri keçiriləcək

Bakı Şəhər Mədəniyyət və Turizm Baş İdarəsinin Mədəni tədbirlərin təşkili və yaradıcı gənclərlə iş üzrə Mərkəzinin təşkilatçılığı ilə keçirilən “Retro Bakı” layihəsinin növbəti konsertləri 13-14 avqust, saat 18:00-da Fəvvarələr Meydanında baş tutacaq.

AzNews.info xəbər verir ki, bu həftə “Retro Bakı”nın qonaqları tanınmış müğənni Yaqut Babayeva və rəqqasə Fatimə Fətəliyeva olacaqlar. Həmçinin konsertdə gənc müğənnilər Aygün Ağayeva, Mütəllim Mütəllimov, Ülkər Şahbazova, Mehman Tağıyev, Rüfət Xəlil, “İstedad” instrumental ansamblı və “Azad” rəqs qrupu iştirak edəcəklər.

Bakı sakinlərini və qonaqlarını maraqlı musiqi proqramı və rəngarəng rəqslər gözləyir.