Azərbaycanda Şərabçılar Assosiasiyası yaradılır

Azərbaycanda İxracın və İnvestisiyaların Təşviqi Fondunda (AZPROMO) şərab istehsalı və satışı ilə məşğul olan yerli şirkətlərin nümayəndələri ilə görüş keçirilib.

Oxu.Az-a AZPROMO-dan verilən məlumata görə, görüşdə Azərbaycan istehsalı olan şərabın ixracının təşviqi üçün görülən işlər, eləcə də şərab istehsalı və satışı ilə məşğul olan şirkətlərin bu sahədə təklifləri müzakirə olunub.

AZPROMO rəhbərliyinin iştirakı ilə keçirilmiş görüşdə Şərabçılar Assosiasiyasının yaradılması qərara alınıb.