Azərbaycanda sürücülər SMS-lə ödəniş edəcəklər – VİDEO

Ödəniş avtomobilinizi park etməyə görə nəzərdə tutulub.

Azərbaycanda sürücülərin işini asanlaşdıracaq yeni sistem istifadəyə veriləcək.

Oxu.Az Xəzərxəbər-ə istinadən xəbər verir ki, artıq yaxın vaxtlarda avtomobilinizi park etməyə görə ödənişi SMS vasitəsilə həyata keçirə biləcəksiniz.

Yeni layihənin bir sıra detalları artıq hazırdır.

Bu layihə Bakı Şəhər İcra Hakimiyyəti və yerli mobil operatorlardan biri tərəfindən həyata keçiriləcək. Hazırda layihə hazırlanır və tam hazır olduqdan sonra istifadəyə veriləcək.

Ekspert Ərşad Hüseynov yeni sistemin artıq bir sıra ölkələrdə tətbiq olunduğunu və xeyli bəyənildiyini deyir. Bu sistem vasitəsilə ödənişdən yayınaraq park olunan avtomobillər də müəyyən ediləcək.