Sumqayıtda film kimi qəza: Müştərinin maşınını qaçırdı, avtomobil ikiyə bölündü – VİDEO+FOTO

Bu gün günorta saatlarında Sumqayıt şəhərində dəhşətli avtomobil qəzası baş berib. Belə ki, şəhərin Sahil küçəsi ilə hərəkət edən "Hyunday Elantra" markalı avtomobil Corat yaxınlığında qəza törədib. Sürət həddini aşan sürücü idarəetməni itiriərək avtomobili Corat abidəsi yaxınlığında olan avtobus dayanacağına çırpıb. Xoşbəxtlikdən dayanacaqda sərnişin olmayıb. Amma bu dəhşətli qəza itkisiz ötüşməyib. Zərbənin gücündən avtomobil ikiyə bölünüb. Sürücü hadisə yerindəcə ölüb. Avtomobildə olan digər sərnişin isə ağır bədən xəsarətləri alıb. O xəstəxanaya yerləşdirilib. Avtobus dayanacağı isə tamamilə yararsız hala düşüb.
Qəzanın bəzi təffərrüatları Xeberle.com-a məlum olub. Şəhərin 6-cı mikrorayonda fəaliyyət göstərən Avtoyuma məntəqələrinin birinə müştəri avtomobilini yumaq üçün qoyub. Orada çalışan işçilərdən biri müştərinin avtomobilini götürərək sükan arxasına oturub. Yanında da dostu olub. Nəticədə isə məlum qəza baş verib.
Hadisə ilə bağlı araşdırma aparılır və əlavə məlumat veriləcək.