Azərbaycanda oğlan qaçırdığı qızın anasına xəsarət yetirib

Ucar rayonunda 27 yaşlı qız həmyerlisi tərəfindən qaçırılıb.

Oxu.Az-ın Report-a istinadən məlumatına görə, hadisə rayonun H.Aslanov küçəsində qeydə alınıb.

Belə ki, rayon sakini, 1987-ci il təvəllüdlü Rüfət Ağarza oğlu Rzayev həmyerlisi, 1989-cu il təvəllüdlü Sevinc Xalif qızı Şükürovanı qaçırıb.

R.Rzayev qızının qaçırılmasına müdaxilə edən anası Sevil Şükürova və əmisi arvadı Səlimə Şükürovaya xəsarət yetirib. Yaralılar Ucar Rayon Mərkəzi Xəstəxanasına yerləşdiriliblər.

Faktla bağlı Ucar Rayon Polis Şöbəsində (RPŞ) araşdırmalara başlanıb.