Argentinada kütləvi mitinqlər: Messi...

Argentinanın paytaxtı Buenos-Ayresdə yüzlərlə insan mitinq edərək, Lionel Messini milli komandaya qayıtmağa çağırıb.

Axar.az xəbər verir ki, yağışa baxmayaraq mitinq iştirakçıları şəhərin mərkəzi meydanına toplaşıb. Onlar Messinin şəninə mahnılar oxuyub, şüarlar səsləndiriblər.

Ölkənin bir neçə şəhərində də analoji aksiyalar təşkil olunub.

Qeyd edək ki, Lionel Messi Amerika Kubokunun finalında Argentinanın Çiliyə uduzmasından sonra yığmadan getdiyini elan etmişdi. İyunun 29-da Buenos-Ayresdə onun heykəlini ucaltmışdılar.