GP2 seriyasının qalibi müəyyənləşdi

Bakıda keçirilən GP2 seriyasının son yarışının mükafatçıları müəyyənləşib.

Oxu.Az xəbər verir ki, “Prema Racing” komandasının pilotu Antonio Covinatsi finiş xəttinə hamıdan tez çatıb. Onun nəticəsi 44:49.606 olub.

İkinci yeri fransalı Pyer Qasli (+1.7 saniyə), üçüncü yeri isə ART komandasından rusiyalı pilot Sergey Sirotkin (+4.1 saniyə) tutub.

Qalibləri Bakı Şəhər Halqasının icraçı direktoru Arif Rəhimov və digər qonaqlar mükafatlandırıb.