Namaz qılmaq istədi, qayaların arasında ilişdi – VİDEO

Axar.az Fövqəladə Hallar Nazirliyinin mətbuat xidmətinə istinadla xəbər verir ki, dərhal nazirliyin Dövlət Yanğından Mühafizə Xidmətinin yanğınsöndürən-xilasediciləri hadisə yerinə cəlb olunub və vətəndaşı hündürlüyü 30 metr olan qayalıq ərazidən endirib, aidiyyəti üzrə təhvil veriblər. Əməliyyat saat 16:25-də başa çatıb.

Virtualaz.org-un məlumatına görə, qayalar arasında sıxılıb qalan şəxs 41 yaşlı Xızı rayonu, Sitalçay kənd sakini Qasımov Rövşən İsmayl oğludur. O, Xırıdzində pirinə (Beşbarmaq) ziyarətə gəlib, namaz qılmaq məqsədilə yaxınlıqdakı qayaya dırmaşmaq istəyərkən, qayaların arasında sıxılmış vəziyətdə qalıb.

O, hadisə nəticəsində yüngül xəsarət alıb, çiyni çıxıb. Hadisə yerinə gəlmiş Şimal Regional Təcili Tibbi Yardım xidmətinin həkimləri tərəfindən ona ilkin tibbi yardım göstərilib, səhhəti qənaətbəxş olduğundan özü xəstəxanaya aparılmaqdan imtina edib.