“EgyptAir” yunan adası Karpatosun yaxınlığında dənizə düşüb

“EgyptAir” şikətinin A320 təyyarəsi yunan adası Karpatosun yaxınlığında dənizə düşüb.

Oxu.Az-ın məlumatına görə, bu barədə “France-Press” agentiyi yunan aeroportundakı mənbəsinə istinadən xəbər verir.

“EgyptAir” şirkətinin təyyarəsi yunan adası Kapatosun yaxınlığında Yunanıstanın hava məkanında qəzaya uğrayıb”, - agentliyin məlumatında deyilir.

“EgyptAir” aviaşirkətinə məxsus MS804 reysi ilə Parisdən Qahirəyə uçan sərnişin təyyarəsi radarlardan itib. Təyyarənin göyərtəsində 66 nəfər olub.

Təyyarə “Şarl-de-Qoll” aeroportundan səmaya qalxıb. “EgyptAir” aviaşirkəti əməliyyat qərargahı yaradıb, bura itən təyyarə ilə vəziyyəti təqib etmək üçün bütün aviasiya xidmətlərinin nümayəndələri daxil edilib.