V Asiya Oyunlarına hazırlıq - 500 gün qaldı – VİDEO

Beşinci Asiya Oyunlarının başlanğıcına 500 günün qalması şərəfinə təntənəli mərasim baş tutub.

Mötəbər yarışa 500 günün qalması münasibətiylə baş tutan tədbirdə Türkmənistan prezidenti, Milli Olimpiya Komitəsinin sədri Qurbanqulu Berdiməhəmmədov, Asiya Olimpiya Şurasının sədri və Milli Olimpiya Komitələri Assosiasiyasının prezidenti Şeyx Əhməd əl-Fəhəd əl-Sabah, idman ictimaiyyəti, eləcə də xarici media nümayəndələri, o cümlədən Azərbaycandan olan jurnalistlər iştirak edib. Mərasimi açıq elan edən Türkmənistan prezidenti oyunların keçirilməsinin türk tarixinin bir hissəsi olan türkmən tarixi və mədəni təbliğatı üçün vacib rol oynayacağını qeyd edib. Prezident həm də tarixi ənənələrə söykənən atçılığın inkişafının prioritet təşkil etdiyini xüsusilə qeyd edib.

Asiya Oyunlarının məşəli Marı vilayətindəki “Kalkınış” qaz yatağında yandırılacaq. Məşəlin ölkənin müxtəlif vilayətlərində nümayiş etdirilməsi 2017-ci il sentyabrın 17-də Aşqabaddakı Olimpiya şəhərciyinin əsas arenasında sona çatdırılacaq.

Qeyd edək ki, Aşqabad Mərkəzi Asiya regionunda Asiya Oyunlarına ev sahibliyi etmək hüququ qazanmış ilk şəhər kimi tarixə düşüb. İdmanın 21 növünün təmsil olunacağı Oyunlarda 45 Asiya və 17 Okeaniya ölkəsindən idmançılar iştirak edəcək.