Zaur musiqiçini canlı yayımdan uzaqlaşdırdı

ATV-də yayımlanan “Bizimləsən” verilişinin aparıcısı Zaur Baxşəliyev proqramda qonaq qismində iştirak edən musiqiçi Zahid Qubadlını canlı yayımdan uzaqlaşdırıb.

Oxu.Az xəbər verir ki, Qubadlıya həsr olunan proqramda musiqiçinin “Kaş verilişdə Qubadlıda doğulanlar olardı, Sumqayıtda böyüyənlər yox. Qubadlını görənlər ora haqqında daha yaxşı danışa bilərlər” deməsi aparıcının qəzəbinə səbəb olub.

“Sumqayıtlıdır, qubadlılıdır nə əlaqəsi var? Hamımız azərbaycanlıyıq. Belə etirazlarınıza görə, mikrafon sizə gec gəlir çıxır. Olmaz belə, ayrı-seçkiliyi sevmirəm”,- deyə aparıcı bildirib.

Daha sonra Z.Qubadlı verilişdən uzaqlaşdırılıb.