Dəhşətli qəzada yaralananlardan daha biri öldü – FOTO

Qazaxda baş verən ağır qəzada yaralanan Niyaməddin Vəliyev xəstəxanada dünyasını dəyişib.

ATV.az xəbər verir ki, qəza Bakı-Qazax avtomagistralının 479–cu km-də qeydə alınıb. Sürətlə idarə olunan avtomobilin səkiyə çırpılması zamanı sürücü 35 yaşlı Qazax rayon sakini Elfaq Bəyimov və sərnişin 25 yaşlı Şirxan Əhmədov hadisə yerində dünyasını dəyişib.

Avtomobildə olan digər 3 nəfər 22 yaşlı Sənan Abbaszadə, 34 yaşlı Niyaməddin Vəliyev, 21 yaşlı Vidadi Məmmədov müxtəlif dərəcəli bədən xəsrətləri alaraq Qazax Diaqnostika mərkəzinə yerləşdirilib. Bütün müdaxilələrə baxmayaraq, Niyaməddin Vəliyev xəstəxanada ölüb.

Qəza zamanı dünyasını dəyişənlər və yaralılar Qazax rayon sakinləridir.