İrina Şeyk Elman Rüstəmovun qızının moda gecəsində – FOTO

Azərbaycanlı modelyer Günel Rüstəmovanın rəhbərlik etdiyi “Gyunel” moda evinin Parisdə Favaz Qruozinin məşhur “De Grisogono” zərgərlik brendi ilə birgə Yüksək Moda Həftəsi baş tutub.

Oxu.Az xarici KİV-ə istinadla xəbər verir ki, mərasimdə məşhur amerikalı model Bella Hadid və rusiyalı model İrina Şeyk qonaq qismində iştirak ediblər. Türkiyəli model Tülin Şahin isə “Gyunel” kolleksiyasından olan geyimləri podiumda nümayiş etdirib.

Xatırladaq ki, Günel Rüstəmova ölkənin baş bankiri Elman Rüstəmovun qızıdır. O, həmçinin, “Meliorasiya və Su Təsərrüfatı” Açıq Səhmdar Cəmiyyətinin sədri Əhməd Əhmədzadənin oğlu Cuma Əhmədzadə ilə ailəlidir.