Gəncədə qadını keçmiş əri və onun ikinci arvadı döydü

Gəncədə döyülmə faktı qeydə alınıb.

AzNews.info-nun APA-ya istinadən verdiyi məlumata görə, şəhər sakini, 1973-cü il təvəllüdlü Tünzalə Məmmədova bədənin müxtəlif hissələrinin əzilməsi xəsarəti ilə Gəncə şəhər Təcili Tibbi Yardım xəstəxanasına yerləşdirilib. Qadına dərhal tibbi yardım göstərilib, vəziyyətinin orta ağır olduğu bildirilir.

Məlumata görə, qadın boşandığı əri və onun ikinci həyat yoldaşı tərəfindən döyülüb.

Faktla bağlı hüquq mühafizə orqanları tərəfindən araşdırma aparılır.