Gözəllik müsabiqəsindəki təmsilçimiz erməni rəqibindən danışdı – FOTO

Xəbər verdiyimiz kimi dekabrın 4-dən 19-dək Almaniyanın Maqdeburq şəhərində keçirilən “Miss İntercontinental 2015” beynəlxalq gözəllik müsabiqəsində Azərbaycanı Nigar İbrahimova təmsil edəcək.

Dekabrın 4-dən Almaniyada olan təmsilçimizin Oxu.Az-a verdiyi məlumata görə, finala hazırlıq tam sürətlə davam edir:

“Öz üzərimizdə çox işləyirik. Axırıncı üç gün bütün günü məşqdə olduq”.

Daha sonra Nigara oxucularımızı maraqlandıran bir neçə sual ünvanladıq.

- İştirakçılar Azərbaycan haqqında nə dərəcədə məlumatıdırlar? Azərbaycan xanımları barəsində nə düşünürlər?

- Ölkəmizi tanıyanlar da, tanımayanlar da var. Bizə qonşu olan ölkələr- Rusiya, Gürcüstan, Türkiyə təmsilçiləri mentalitetimizi və xanımlarımızı çox bəyənirlər. Söyləyirlər ki, onlarla bizim aramızda çox oxşarlıq var. Digər bir neçə ölkənin təmsilçiləri hətta Azərbaycana qonaq gəlmək istəyirlər.

- Təmsilçilər arasında münasibət necədir? Hələ ki gərgin mübahisə edənlər olmayıb?

- Burada hamı bir-birinə qarşı mehriban olmağa, dost münasibətləri qurmağa çalışır, nəinki dava etmək. Söz-söhbət olanda isə bunu göstərməməyə, büruzə verməməyə cəhd edirlər.

Nigardan erməni təmsilçi barəsində də soruşduq:

“Bir-birimizlə işimiz yoxdur. O qədər də üz-üzə gəmirik.”

- Almaniyadan Azərbaycana çatdırmaq istədiyiniz sözlər varmı?

- Dəstəyə görə hər kəsə təşəkkürümü bilidirirəm. Xüsusilə, sizə minnətdaram.

Qeyd edək ki, sözügedən yarışmada 65 ölkənin təmsilçisi iştirak edəcək. Final dekabrın 18-də baş tutacaq.

Nəzərinizə çatdırırıq ki, müsabiqənin təşkilatçıları onlayn səsvermə keçirirlər.

Təmsilçimizə və bəyəndiyiniz digər iştirakçıya səs vermək üçün www.pageantvote.net/pageants/363 linkinə daxil olaraq səs verə bilərsiniz.