“Moskva Siti”də selfi çəkdirmək istəyən qız xəstəxanalıq oldu

Rusiyanın paytaxtında “Moskva Siti”nin ərazisində 16 yaşlı qız 8 metrlik yüksəklikdən yıxılıb.

Oxu.Az-ın xəbərinə görə, bu barədə İnterfax yerli fövqəladə xidmələrdəki mənbəsinə istinadən məlumat verir.

Məlumata əsasən, gənc qız “Moskva Siti” biznes mərkəzinin ərazisində binalardan birinin üstünə selfi çəkmək üçün çıxıb.

O öz şəklini çəkmək istəyərkən ayaqları altındakı şüşə qurğu dözməyib, və qız 8 metr yüksəklidən yıxılıb.

Hal-hazırda gənc qız ağır vəziyyətdə reanimasiyaya yerləşdirilib.