Krımda şəxsi təyyarənin qəzaya uğraması nəticəsində dörd nəfər ölüb

Krımda kiçik şəxsi təyyarənin qəzaya uğraması nəticəsində dörd nəfər ölüb.

Oxu.Az-ın məlumatına görə, bu barədə İnterfax-a regionun fövqəladə xidmətlərindən məlumat verilib.

“Cessna təyyarəsi Koktebel meydançasından havaya qalxdı, lakin uçuş zamanı fövqəladə vəziyyət yarandı və təyyarə yerə çırpıldı. Göyərtədə olan təyyarənin dörd ekipaj üzvünün hamısı həlak olub”, - məlumatda bildirilir.

Mənbə həmçinin dəqiqləşdirib ki, ilkin məlumata əsasən, uçuş qeyri-qanuni olub.

“Bu səbəbdən ölənlərin şəxsiyyətləri hələlik müəyyən edilməyib”.