Azərbaycanda “YouTube”un lokal versiyası istifadəyə verilib

“YouTube” şirkəti videoplatformanın lokal versiyalarını 85 ölkədə istifadəyə verib. Bu siyahıya son əlavə olunanlar arasında Adriatik və Baltikyanı ölkələr, Azərbaycan, Bolqarıstan, Gürcüstan, Qazaxıstan və Belarus yer alıb.

Rabitə və Yüksək Texnologiyalar Nazirliyinin mətbuat xidmətindən Oxu.Az-a verilən məlumata görə, “YouTube”un dünya bazarına gələcək nüfuzetməsindən danışan şirkət nümayəndələri qeyd ediblər ki, bu gün platformada gündəlik baxılan videoların 80%-i ABŞ-dan kənarda yaşayan tamaşaçılar tərəfindən hazırlanır.

Nazirliyin informasiyasına görə, platformanın “Youtube.by” və “Youtube.kz” kimi lokal versiyalarının istifadəyə verilməsi kontent müəlliflərinə videosaytın tərəfdaşı olmağa, öz kanallarında pul qazanmağa, eləcə də alət və resurslardan istifadəyə imkan verəcək.