Avstraliyalılar kök modellərin olduğu reklamı bəyənmədilər

Lush Britaniya kosmetika markasının məmulatının plus-size formatlı modellərin iştirakı ilə reklamı Avstraliya istehlakçılarına pornoqrafik görünüb.

Oxu.Az lenta.ru-ya istinadən xəbər verir ki, bu barədə BuzzFeed bildirib.

Bəzi istehlakçıların müvafiq şikayətləri reklam standartları üzrə Milli Şuraya (Advertising Standards Board) göndərdikləri bildirilib.

Resursdan bildirildiyi kimi kampaniyaya plus-size modelləri cəlb ediblər, onlar reklam çarxında sabun parçaları ilə örtünürlər. Lush-ın marketoloqunun fikrincə, burada öz bədəninə pozitiv münasibətin mühümlüyü və eyni zamanda da Lush təbii vasitələrinin qablaşdırılmasız satılması vurğulanır.

ASB-yə ilk şikayət Kvinslendən daxil olub. Onun müəllifi bildirib ki, çılpaq qadınların olduğu plakat yerli ticarət mərkəzində “onu uşaqların görə biləcəyi yerdə” yerləşdirilib; şikayətçi kampaniyanın “təhqiramiz və pornoqrafik olmasını təsdiq etməyi” tələb edib. Bundan sonra ekspertlər daha üç analoji şikayət alıblar.

ASB-də Lush-ın çılpaqlığı məmulatın ətrafında ajiotaj yaratmaq üçün istifadə etdikləri fikrinə gəliblər.

BuzzFeed mübahisəli plakatların gələcək taleyi barədə heç nə yazmır.