Dilənçiliyə icazə verildi, amma...

Rusiyanın paytaxtı Moskvanın bir neçə yerində ianə bağışlamaq və son dərəcə imkansızlara dilənmək üçün icazə verilir.

ANS PRESS-in məlumatına görə, Moskvanın dilənçilik problemi Dövlət Dumasında müzakirəyə çıxarılıb. Deputatlar dilənçiliklə mübarizə yollarını təklif ediblər. Qanun layihəsinin detalları üzərində parlament komissiyası işləyəcək. Xüsusi statuslu dilənçilərin cərimədən azad edilməsi planlaşdırılır.

Cəzaların sərtləşdirilməsi təklifi və hər şeydən əvvəl metroda dilənçilik məsələlərinə yenidən baxılacaq. Hazırda ictimai yerlərdə dilənçiliklə məşğul olanlar üçün 2,5-5 min rubl cərimə nəzərdə tutulub.

Moskva şəhər dumasında ərtafdakılardan pul, yemək, geyim və ya başqa qiymətli şeylər istəmək dilənçilik kimi qəbul edilir.

Yeri gəlmişkən, Moskva metropoliteni ictimai əsayişin mühafizəsi bölməsinin rəisi Sergey Aqafanov yalnız 9 ay ərzində paytaxt metropolitenində 2946 dilənçi saxlanıldığını bildirib. Bu da orta hesabla ayda 300 nəfər edir. Rəisin sözlərinə görə, Moskvada əsasən miqrantlar dilənçiliklə məşğul olurlar.