Sumqayıtda sirrli avtomobil yanıb külə döndü – VİDEO+FOTO

Sumqayıt şəhərində vətəndaşa məxsus "RENAULT" markalı minik avtomobilinin yanar hissələri yanmışdır.

AzNews.info xəbər verir ki, Sumqayıt şəhəri, 10. mikrorayon ərazisində yaşayış binalarının həyətində Renault markalı avtomobil alışaraq yanıb. Hadisə yerinə dərhal Fövqəladə Hallar Nazirliyinin əməkdaşları cəlb olunub. Yaxınlıqdakı avtomobillər yanğından mühafizə olunmuşdur. Yanğın saat 17:19-da yanğınsöndürənlər tərəfindən söndürülmüşdür.

Maraqlısı budur ki, avtomobilin sahibini hələ də müəyyənləşdirmək mümkün olmayıb. Belə ki, üzərində dövlət yol nömrə nişanı olmayan avtomobilin sahibi hadisə yerinə gəlib çıxmayıb.