“Dədəmin” avtoservisi yandı

Bakının Xətai rayonunda vətandaşa məxsus ümumi sahəsi 250 kv.m olan “DƏDƏMİN” avtoservisində yanğın meydanan gəlib.

ANS PRESS-in Fövqəladə Hallar Nazirliyinin saytına istinadən verdiyi məlumata görə, baş verən yanğında 2 avtomobil və 5 motosiklet zərər görüb.

Avtoservisin yanar konstruksiyaları, içərisində olan, təmirə dayanmış sahibi məlim olmayan “NİSSAN” markalı minik avtomobilin yanar hissələri, “RANGE ROVER” markalı minik avtomobilinin arxa hissəsi qismən və bitişik avtomobil ehtiyatları mağazasının yanar hissələri həmçinin, mağazada olan 2 ədəd “SUZUKİ” markalı və 3 ədəd “HARLEY DAVİDSON” markalı motosikletləri yanıb.

Təmirə dayanmış “RANGE ROVER” markalı avtomobilinin qalan hissəsi, 6 ədəd minik avtomobili, mağazada olan 1 ədəd motosiklet və yaxınlıqdakı tikililər yanğından mühafizə olunub.

Yanğın saat 03:58-də yanğınsöndürənlər tərəfindən söndürülüb.