ZARA-nın Azərbaycan dilini bilməyən işçisinə töhmət verildi – RƏSMİ AÇIQLAMA

Sosial şəbəkədə 28 mall ticarət mərkəzində ZARA Woman bölməsinin menecerin azərbaycanlı vətəndaşdan rus dilində danışması tələbi böyük müzakirələrə səbəb olub.

Oxu.Az xəbər verir ki, vətəndaş öz qızı üçün endirimdə olan köynək almaq istəyib, lakin sonda bəlli olub ki köynək endirimli deyil.

Məsələni aydnılaşdırmaq üçün vətəndaş 28 Mall, ZARA Woman bölməsinin menecerinə yaxınlaşıb, hadisə barəsində danışıb.

ZARA Woman bölməsinin meneceri Darya Paulevskaya cavab olaraq vətəndaşa bildirib ki, o Azərbaycan dilini bilmir, xanım tələb edib ki, alıcı onunla rus dilində danışsın.

Oxu.Az vətəndaşın ukraynalı meneceri ilə dialoqunu sizə təqdim edir:

“Mən: Salam bu köynək endirim olan yerdədir, amma kassada heç bir endirim yoxdur.

Menecer: Что-оо-оо? Говорите по русски.

Mən: (diqqətlə xanımın simasına baxıb, bir 10 saniyə süküt saxladım… dedim bəlkə, danışıq tonundan bir-az utana…) Mənə menecer lazımdır, Sizsiz bu mağazada menecer?!

Menecer: Так, я не знаю Ваш язык… (simasında yazılıb ki, sən rusca bilmirsənsə, nə gəzirsən bizim mağazada)

Mən: Вы менеджер салона и не можете говорить по азербайджански?

Menecer: Да… я не обязана говорить на Вашем языке, если Вы недовольны мы можем вернуть товар.

Mən: По Вашей вине я плачу в 2 раза больше… Вам не кажется что тон разговора у Вас не правильный… bu andan sonra… ukraynalı menecer Дарья Паулевская-ın əsas siması önə çıxdı…

Menecer: Вы никто чтобы мне что-то указывать, здесь я директор (direktor dediyimiz bu Dariya 28 Mall, ZARA Woman bölməsinin meneceridir) и я знаю что говорю…я украинка и буду говорит только по русски.”

Hə-əəə… əlbəttə, bu nöqtədən sonra, məndə mən olmazdım ki, Dariyanı başa salmayım… Həm də ətrafa baxdım ki, mənimlə çox mədəni danışın Azərbaycanlı kassir oğlan, satıcılar… Dariyanın bu həyasızlığından ŞOK-dadırlar və əgər mən… burda Dariya Paulevskayaya öz yerini göstərməsəm, o elə bilər ki, butün Azərbaycanlıları…

Dedim… Dariya… burda direktor əgər varsa, oda mənəm… bilirsən niyə?!

Çünki, sən burda mənim pulumdan istifadə edib, işləyirsən, əgər mən İlkin (və ya digər Azərbaycanlılar) olmasa, sən bir manatda olsun əmək haqqı ala bilmərsən.

Çünki, sən burda mənim vətənimin paytaxtındasan və sən borclusan ki, mənə yalnız müştəri kimi, deyil, həm də yaşadığın ölkənin vətandaşı kimi hörmət edəsən, heç olmasa mənim dilimdə danışmadığının üçün üzr istəyəsən… sən Azərbaycanda, Azərbaycan dilini bilməlisən.”

Sosial şəbəkə istifadəçilərini ukraynalı xanımın Azərabycanda calışıb, azərbaycanlıdan rus dilində danışmasını tələb etməsi hiddətləndirdib.

Məsələ ilə bağlı ZARA, Bershka, Pull & Bear, Marks & Spencer, Massimo Dutti brendlərinin ölkəmizdə rəsmi distribyutoru olan Retail Group Azerbaijan ilə əlaqə saxladıq. Retail Group Azerbaijan-dan Oxu.Az-a bildiriblər ki, artıq ZARA Woman bölməsinin meneceri Darya Paulevskaya töhmət verilib. Yaxın zamanlarda isə xanımla bağlı ciddi tədbir görüləcək.