Milyonçunun oğlu sığorta pulunu almaq üçün “Ferrari”sini yandırdı – FOTO

İsveçrədə adı çəkillməyən milyonçunun oğlu qəsdən 245 min dollar dəyərində olan Ferrari 458 Italia avtomobilini yandırıb.

Oxu.Az xarici KİV-ə istinadən xəbər verir ki, o bununla avtomobilin sığorta ödənişini alaraq özünə yeni maşın almaq istəyirdi.

Gənc varis avtomobili yandırmaq üçün iki nəfər köməkçisinə 15 min dollar pul verib. Sonra əvvəlcədən danışıldığı kimi maşını Bavariyada yerli fahişəxanaların birinin yanında qoyub gedib və onun əlbirləri avtomobili yabdırıblar.

Lakin bütün bu hadisə şəhər təhlükəsizlik kameralarına düşüb.

Polislər dərhal araşdırmaya başlayıblar. Onlar gəncin sms yazışmasını oxuduqdan sonra isə hər şeyə aydınlıq gətirilib.

Gənc oğlana 22 ay sınaq müddətinə şərti həbs cəzası verilib və 32 min dollar məbləğində cərimə kəsilib.

Qeyd olunur ki, gəncin bundan başqa 14 avtomobili var.