2017-ci ildə ermənilər Qarabağda 4 uşaq bağçası tikiblər – FOTO

Ötən il işğal altındakı Azərbaycan torpaqlarında 4 uşaq bağçası tikilib.

Moderator.az “KarabakhTV”-yə istinadla xəbər verir ki, bu haqda Xankəndində keçirdiyi mətbuat konfransında qondarma “respublika”nın “şəhərsalma naziri” kimi təqdim edilən Karen Şahramanyan məlumat verib.





Uşaq bağçaları Şuşa şəhərində, “Karin tak” adlandırılmış Daşaltı kəndində, Xocalı rayonunun Dağyurd(“Saruşen”), Tərtər rayonunun Kiçik Qarabəyli(keçm. Ağdərə rayonunun hazırda “Moxrataq” adlandırılan kəndi) kəndlərində tikilib istifadəyə verilmişdir. Separatçı “məmur”un sözlərinə görə, artıq Xocavənd rayonunun Azıx, Qırmızı Bazar kəndlərində, eləcə də Qubadlı rayonunun Tatar(“Kumayri”) kəndlərindəki məktəb binalarının, Xankəndindəki 8 saylı orta məktəbin bir hissəsinin təmiri də başa çatıb. Bundan əlavə, Xankəndindəki 9 saylı orta məktəbin bərpası və Xocavəndin Çaylaqqala(Xtsaberd) kəndində idman zalının tikintisi ilə bağlı işlər davam edir.