“Xocalı – uşaqların dili ilə” – FOTO

Zaqatala rayonunda “Xocalı – uşaqların dili ilə” qısametrajlı filmin yaradıcı heyəti ilə görüşü keçirilmişdir

AzNews.info xəbər verir ki, 2016-cı il Fevral ayının 24-ü və 25-də Zaqatala rayon Mədəniyyət və Turizm şöbəsi Rayon Mədəniyyət Mərkəzinin təşəbbüsü ilə Xocalı faciəsi qubanlarının xatirəsinə həsr olunmuş “Xocalı – uşaqların dili ilə” qısametrajlı filmin yaradıcı heyəti ilə rayon məktəblilərinin görüşü keçirilmişdir.

Layihə və ssenari müəllifi II Ümumittifaq Festivalı laureatı, Mədəniyyət Mərkəzinin bədii rəhbəri Samirət Hümbətovadır. Mərkəzin işçiləri və “Bədii söz” dərnəyinin üzvləri filmə çəkilmişlər.

Filmə tamaşa etmiş yüzlərlə məktəbli öz yaşıdlarının çıxışlarını həyəcanla izləmişlər. Xocalı faciəsinin dəhşətləri uşaqların dili ilə bir daha gənclərə və yeniyetmələrə çatdırılmışdır.

Film sual-cavabla başa çatmışdır.