Qaçırılan 200-dən çox qız qaytarılır

Nigeriya hökuməti ilə "Boko Haram" terror qruplaşması arasında atəşkəs elan edildiyi iddia olunur.

ANS PRESS-in məlumatına görə, atəşkəs çərçivəsində qruplaşma tərəfindən qaçırılan 200-dən çox qız şagirdin azad ediləcəyi bildirilir.

Nigeriya Beynəlxalq İnformasiya Mərkəzinin rəsmisi Mike Omeri bildirib ki, hökumət və "Boko Haram" təmsilçiləri arasında keçirilən görüüşdə qaçırılan 200-dən çox qızın təhlükəsiz şəkildə geri qaytarılması və ölkənin şimal-şərqində sülhün bərqərar edilməsilə bağlı danışıqların davaç etdirilməsi haqqında razılıq əldə olunub.

Omeri atəşkəsin bu gündən qüvvəyə mindiyini deyib.

Qeyd edək ki, "Boko Haram"ın son 6 ayda etdiyi hücumlar nəticəsində təqribən təhlükəsizlik orqanlarının 2 min əməkdaşı həlak olub.