Ermənistan yeni silahlar alır

Rusiyanın Azərbaycana silah satması erməniləri narahat etməyə başlayıb. Belə ki, Ermənistan Müdafiə Nazirliyi ordunun yeni silahlarla təchiz olunacağını açıqlayıb.

ANS PRESS-in Ermənistan mətbuatına istinadən verdiyi məlumata görə, Ermənistan müdafiə naziri Seyran Ohanyan bəyan edib ki, yaxın vaxtlarda Ermənistan Silahlı Qüvvələri uzaqmənzilli silahlarla təchiz olunacaq.

Nazir hansı növ uzaq mənzilli silahların alınacağı barədə heç bir açıqlama verməyib.

“Biz bir sıra ölkələrlə, xüsusən də Rusiya ilə hərbi-texniki sahədə əməkdaşlığı genişləndiririk. Ordunu yeni müasir silahlarla təchiz etməyə davam edirik”, - deyə Ohanyan bildirib.