Rusiya Müdafiə Nazirliyi: “İl-76 təyyarəsi Estoniyanın hava sərhədini pozmayıb”

Bu gün Estoniya Rusiyaya məxsus İl-76 hərbi nəqliyyat təyyarəsinin ölkənin hava sərhədini pozması barədə məlumat yayıb.

Virtualaz.org RİA “Novosti”yə istinadən xəbər verir ki, Rusiya Müdafiə Nazirliyi bununla bağlı bəyanatla çıxış edib. Bəyanatda bildirilir ki, uçuş əvvəlcədən razılaşdırılmış marşrut üzrə işlək vəziyyətdə olan transponderlərlə həyata keçirilib.

“Uçuş zamanı təyyarənin heyəti estoniyalı dispetçerlərlə rabitədə olub və rusiyalı heyətə heç bir irad bildirilməyib”, - bəyanatda deyilir.