Türkiyədə hərbi helikopter qəzaya uğrayıb: Ölənlər var

Türkiyənin Giresun əyalətində ölkənin Hərbi Hava Qüvvələrinə məxsus “S70” tipli helikopterin qəzaya uğraması nəticəsində 6 nəfər ölüb, 7 nəfər ağır yaralanıb.

Bu barədə Oxu.Az “İhlas” agentliyinə istinadən xəbər verir.

Məlumata görə, helikopterin göyərtəsində 15 nəfər - jandarma qüvvələrinin yüksək rütbəli zabitləri, onların həyat yoldaşları və üç uşaq olub. Helikopterdə həmçinin əyalət jandarma rəisi, general Mustafa Doğru da olub.

Ölənlərin ikisi zabit, ikisi onların həyat yoldaşı, ikisi isə uşaqdır.

Qəzaya qeyri-sabit hava şəraitin səbəb olduğu ehtimal edilir.