Nigeriyada hərbi təyyarə yaşayış evinin üstünə düşdü – FOTO

Nigeriyada Hərbi Hava Qüvvələrinə məxsus “Dornier-28” təyyarəsi ölkənin şimalında yaşayış evinin üstünə düşüb.

Oxu.Az xarici KİV-ə istinadla xəbər verir ki, nəticədə ən azı yeddi nəfər – ekipajın dörd üzvü və üç sərnişin ölüb.

Nigeriyanın Hərbi Hava Qüvvələrinin başçısı Sadik Abubakar baş vermiş hadisənin araşdırılmasına əmr verib.

Hadisə yerinə yanğınsöndürənlər cəlb olunub.