Erməni separatçılarının hərbi akademiyası olmayacaq

Qondarma “Dağlıq Qarabağ” respublikasının Vank kəndində artıq üç aydır ki, Suvorov və Mədətov adına hərbi akademiyanın tikintisi dayandırılıb.

Oxu.Az news.am saytına istinadla xəbər verir ki, bu barədə kəndin administrasiyasından məlumat verilib.

Tikintini erməni əsilli rusiyalı biznesmen Levon Ayrapetyan maliyyələşdirir. Hazırda o, Moskvada ev dustaqlığındadır.

Kənd administrasiyasının nümayəndəsinin sözlərinə görə, tikintinin dayandırılması səbəbləri və tikintinin bərpa olunması tarixi onlara məlum deyil.

Qeyd edək ki, iyulun 24-də Rusiyanın İstintaq Komitəsi Ayrapetyana vəsaitlərin qanunsuz əldə olunması və pulların yuyulması, daha sonra fırıldaqçılıqda ittiham edib. Daha sonra Ayrapetyanın həbsi ev dustaqlığı ilə əvəz edilib.