Saakaşvili ASAN xidmətin analoqunu yaradır – FOTO

Odessanın qubernatoru, Gürcüstanın keçmiş prezidenti Mixail Saakaşvili Odessada Azərbaycanın ASAN xidmətinin analoqunu yaradır.

ANS PRESS-in məlumatına görə, bu barədə siyasətçi “Facebook” səhifəsində yazıb.

"Üç ay sonra Odessada inzibati xidmətlərin mərkəzi təşkil ediləcək, burada bütün rəsmiləşdirmələr, məlumatlar, arayışlar, icazələr növbəsiz və artıq ləngimələrsiz yerinə yetiriləcək. Çox tezliklə əməkdaşların təlimi başlanacaq. Bu gün Qroysman və mən bu layihə üçün binaya baxdıq, bu insanlara
həyatı yüngülləşdirəcək və inzibati xidmətlər sahəsində fırıldaqçılardan qurtulacaq", - deyə M.Saakaşvili yazıb.