Rəsmi Bakı tutulduğu deyilən türk diplomatla bağlı açıqlama yaydı

"Azərbaycanda akkreditasiyadan keçmiş heç bir türk diplomat nümayəndəsi persona non-qrant elan edilməyib".

Virtualaz.org bildirir ki, bunu Azərbaycan Xarici İşlər Nazirliyi mətbuat xidmətinin rəhbəri hikmət Hacıyev deib. Nazirlik rəsmisi yayılan məlumatların həqiqəti əks etdirmədiyini vurğulayıb.

Xatırladaq ki, Azərbaycanın Gürcüstanla sərhədində türk diplomatın saxlanıldığı deyilir. Bu barədə Türkiyənin "Taraf" qəzeti məlumat yayıb. İddiaya görə, Türkiyənin Bakıdakı səfirliyinin O.A. adlı əməkdaşı diplomatik nömrə nişanlı avtomobillə Gürcüstandan Azərbaycana daxil olub. Bu zaman onun avtomobilində yüzlərlə yeşik qaçaq siqaret aşkar edilib.

Məlumata görə, guya həmin personal haqqında Azərbaycan tərəfi müvafiq tədbir görüb və onu persona-non qrata elan edib. Türkiyə tərəfi isə səfirliyin işçisini XİN sistemindən kənarlaşdırıb.