Putinin qohumu İtaliyada hakimiyyətə can atır – FOTO

Virtualaz.org saytı xəbər verir ki, Britaniyanın “The Telegraph” qəzeti sarışın, Putin kimi atıcı silahlara çox maraq göstərən, qlamur di-jey və radioaparıcı Adelina Putin İtaliyada regional seçkilərdə öz namizədliyini irəli sürdüyünü yazır.

Bildirilir ki, Adelina Putin Rusiya prezidenti ilə ehtimal olunan qohumluğundan seçki kampaniyasında fəal istifadə edir.

“Əgər siz Putinə səs vermək istəyirsinizsə, indi sizin belə imkanınız var”-Adelina Putinin seçki şüarı belədir.

Adelina Putin “İtalyan qardaşlar” partiyasından namizəddir və Veneto əyalətindəki regional seçkilərdə öz namizədliyini irəli sürüb.

“İtaliyada bir Putin kifayət deyil, bizə ən azı yeddisi lazımdır ki, italyan tarixinin son 40 illik yaralarını sağaldaq. Familiyam həmişə xoşuma gəlub, ancaq Vladimir meydana çıxandan sonra daha da çox xoşladım. Qohumlarım və mən üzə çıxarmışıq ki, bizi onunla çox şey bağlayır”- italyan siyasətçi deyir.

Adelina iddia edir ki, onu Putinlə təkcə familiyası deyil, qətiyyəti də bağlayır: “Onun kimisi İtaliyada yoxdur”.