Ermənistanın Azərbaycanla sərhəd bölgəsinin qubernatoruna sui-qəsd oldu

Virtualaz.org saytı erməni KİV-lərinə istinadən xəbər verir ki, qubernatorun maşını Gorus-Qafan yolunda avtomatdan atəşə tutulub.

Məlumatı qubernatorun müşaviri təsdiqləyib. Müşavir zərərçəkənlərin olmadığını, atəş açanların kimliklərini bilmədiklərini deyib. Bununla belə digər mənbələr yaralıların olduğunu bildirir.

Surik Xaçatryanın və ailəsinin adı əvvəllər də qalmaqallı əhvalatlarda çəkilib. Bir neçə il əvvəl onun evində Qarabağdan olan hərbi hissə komandirinin və Ermənistanın müdafiə nazirinin iştirakı ilə yeyib-içmək məclisi zamanı evin qarşısında atışma olub. Bu zaman bir nəfər öldürülüb. Atışmada qubernatorun mühafizəçiləri iştirak edib, Xaçaturyan bu qalmaqala görə istefaya getsə də yenidən işinə bərpa olunub.