Putinin Roma imperatoru qiyafəsində heykəli qoyuldu

Leninqrad vilayətində yerli kazak icmasının təşəbbüsü ilə Roma imperatoru qiyafəsində Rusiya prezidenti Vladimir Putinin büstü qurulub.

Büstün sinəsi isə Rusiya gerbi həkk olunmuş medalla bəzədilib.

Xəbərlərə görə, heykəlin başına dəfnə yarpaqlı çələngin taxılması da nəzərdə tutulmuşdu, lakin son anda bu fikirdən imtina olunub.

Rusiya mətbuatına əsasən, süni sintetik materialdan hazırlanmış büst heykəltəraş Pavel Qreşnikovun emalatxanasında yaradılıb.

"Bu obraz Rusiyada qurduğumuz demokratiyamızın rəmzidir" - bunu "Deutsche Welle" radiosuna Sant-Peterburq "İrbis" kazak icmasının atamanı Andrey Polyakov bildirib (BBC).