Jirinovski “erməni soyqırımı”nı inkar etdi – VİDEO

Faciələri qarışdırmaq və 100 illik tarixi olan hadisələrlə bağlı başsağlığı vermək lazım deyil.

Oxu.Az xəbər verir ki, bu barədə Rusiyanın Liberal Demokrat Partiyasının sədri, deputat Vladimir Jirinovski Dövlət Dumasının bu günkü iclasında çıxışında deyib. Bu gün Dövlət Duması qondarma “erməni soyqırımı” ilə bağlı xüsusi bəyanat qəbul edib.

“Bu bəyanat nəyə həsr olunub? Kimsə başsağlığından danışıb. Lakin başsağlığını fiziki şəxsin ölümü ilə bağlı ifadə etmək olar. Dəfn mərasiminə gedərsiz, orada da başsağlığı verərsiz. Burada isə söhbət 100 il tarixi olan hadisələrdən gedir və bu halda siz başsağlığı barədə danışa bilməzsiz”, - Jirinovski deyib.

Onun sözlərinə görə, qardaş Ermənistan haqqında yazmağa əsas yoxdur, belə ki, qardaş dövlət və xalq olmur.

“1991-ci ildə ən çox rusu məhz Ermənistandan qovublar. Bu gün Ermənistan monomillətli respublikadır. Hər yerdə ruslar və digər xalqların nümayəndələri var, amma Ermənistanda onlar yoxdur. Buna görə də burada Ermənistandan yazmaq lzım deyil. Bəli, yaxşı ölkədir, lakin bəyanatın mətnində daha quru məna olmalıdır”.