Ulduzsuz bayraq hiddət yaratdı – FOTO

Türkiyədə dirəkdən ulduzsuz dövlət bayrağının asılması yerli sakinlərin hiddətinə səbəb olub.

ANS PRESS-in məlumatına görə, hadisə Hatay vilayətinin İskenderun rayonunda baş verib.

Rayon ərazisindəki Atatürk abidəsinin yanında olan iki dirəkdən Türkiyənin dövlət bayrağı asılıb.

Bayraqlardan birində ulduz olmaması yerli sakinlərin hiddətunə səbəb olub. Onlar rayon bələsiyyəsinə zəng vuraraq bu barədə məlumat veriblər.

Bu xəbərdarlıqdan sonra bələdiyyə əməkdaşları ulduzu olmayan bayrağı dirəkdən endiriblər.

Hadisənin şahidi olan yerlilər isə bunu cinayət və təhqir kimi qəbul etdiklərini bildiriblər.

Qeyd edək ki, Türkiyənin dövlət bayrağı qırmızı parça üzərində ağ rəngli ayparadan və beş guşəli ulduzdan ibarətdir.