Paşinyan yaxın qohumunu həbsxanaya göndərir

Ermənistanın baş naziri Nikol Paşinyan bəyan edib ki, yaxın qohumuna qarşı cinayət işi başlanması barədə göstəriş verib.

Virtualaz.org bildirir ki, N.Paşinyan bu barədə öz Facebook səhifəsində yazıb, amma qohumunun adını açıqlamayıb.

"Mazoxist təəssüratı yaratmaq istəmirəm, amma bildirirəm ki, mənim birbaşa tapşırığımda yaxın qohumuma qarşı ehtimal olunan sui-istifadə faktı üzrə cinayət işi başlanıb. Şübhə yoxdur ki, iş hərtərəfli araşdırılacaq və günahkarlar qanuna uyğun olaraq cəza alacaqlar. Bu, yeni bir Ermənistandır və baş nazirin qohumu qanundan yuxarı ola bilməz", - deyə hökumət başçısı vurğulayıb.