Zelenski prezident Poroşenkonu debata çağırdı: “Sizə 24 saat vaxt verirəm” » AzNews.info -Xəbər portalı

Bölmə: Siyasət

Zelenski prezident Poroşenkonu debata çağırdı: “Sizə 24 saat vaxt verirəm”

Zelenski prezident Poroşenkonu debata çağırdı: “Sizə 24 saat vaxt verirəm”

Ukrayna prezidentliyinə namizəd, seçkilərin birinci turunu lider kimi bitirmiş komik aktyor Vladimir Zelenski hazırkı prezident, seçkilərin ikinci turunda rəqibi olacaq Pyotr Poroşenkonu debata dəvət edib.

“Sizə 24 saat vaxt verirəm. Fikirləşin”, - virtualaz.org “hromadske.ua” nəşrinə istinadən xəbər verir ki, Zelenski Poroşenkoya bu çağırışı edib.

“Pyotr Poroşenkoya müraciət edirəm, siz məni debata çağırırsınız, ümid edirdiniz ki, qaçacağam, gizlənəcəyəm – xeyr, mən 2014-cü ildəki siz deyiləm”, - Zelenski bildirib.

O müraciətini belə davam etdirib: “Sizi burada – “Olimpiyski” idman kompleksində gözləyirəm, debatlar Ukrayna xalqının gözü qarşısında baş tutacaq. Bütün kanalların canlı yayım hüququ var, bütün jurnalistlər iştirak edə bilərlər”.

Zelenski qeyd edib ki, Poroşenko ən azı ölkə vətəndaşlarının üçdə birinə (Zelenski birinci turda təxminən 30 faiz səs toplayıb – red.) hörmət əlaməti olaraq deməlidir ki, debatdakı rəqibi “adi adam”, “Kremlin, yaxud Kolomoyskinin marioneti”, “kloun” deyil, Ukrayna prezidentliyinə namizəd Vladimir Zelenskidir.

Hələlik Poroşenkonun bu çağırışa reaksiyası barədə məlumat verilmir.

Mənbə: Virtualaz.org
loading...

* Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Oxşar xəbərlər

Şərhlər


Adınız:*
E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Kodu daxil edin: *