İsrail tankları Qəzza zolağına zərbələr endirdilər

İsrail tankları Fələstinin HƏMAS hərəkatının Qəzza zolağında yerləşən mövqelərinə zərbə endiriblər.

Bu barədə məlumatı İsrail ordusunun mətbuat xidməti “Twitter”də yayıb.

Bildirilir ki, bu, Qəzza zolağından Tel-Avivə atılan raketlərə cavab olub.

Ölən və yaralananlar barədə hələlik məlumat verilmir.

Qeyd edək ki, martın 25-də İsrail hərbçiləri Tel-Əvivə raket zərbələrinə cavab olaraq HƏMAS-ın Qəzzadakı mövqelərinə zərbələr endirməyə başlayıblar. O vaxt bunun nəticəsində 7 nəfər, o cümlədən bir uşaq yaralanmışdı.