İsrail Qəzzaya raket zərbələri endirdi

İsrail Qəzza zolağındakı "terrorçuların obyektləri"nə raket zərbələri endirib.

Virtualaz.org xarici KİV-ə istinadən bildirir ki, bu barədə İsrail Müdafiə Ordusunun mətbuat xidməti xəbər yayıb.

Məlumatda deyilir ki, İsrail Müdafiə Ordusu Qəzza zolağında terror obyektlərinə zərbələr endirib.

Bildirilir ki, zərbələr daha əvvəl Qəzza zolağından Tel-Əviv ərazisinə buraxılan raketlərə cavab olaraq həyata keçirilib.

Dağıntı və tələfat barədə məlumat yoxdur.

Xatırladaq ki, bundan əvvəl Qəzza zolağından Tel-Əviv istiqamətində iki raket atıldığı xəbər verilmişdi. Onlardan birini tutmaq mümkün olmuşdu.